LAOAG CITY – Inpanakkel ni Jailwarden Edietor Guiang iti Ilocos Norte Provincial Jail nga agtultuloy ti livelihood program para kadagiti balud.
Karaman ditoy ti agtultuloy a panagmula ti nateng dagiti balud aglalo ita a nutrition month ken ti panagtaraken da ti baboy babaen ti tulong ti gobierno probinsyal partikular iti Department of Agriculture.
Segun ken ni Guiang, ti nasao a programa ket maysa a pamastrekan dagiti balud.
Malaksid iti daytoy, isu pay ti pagtataudan ti revolving fund ti pagbaludan no sadinno nga isu ti pangalaan da no adda ti nasken a matarimaan ken dadduma pay.
