LAOAG CITY – Inbatad ni Mayor James Bryan Alcid ditoy ciudad ti Laoag nga awan ti plano na a pagsisinnukaten iti pwesto dagiti aglaklako iti Laoag City Public Market and Commercial Complex.
Kuna na a kataripnong na pay dagiti staff iti merkado publiko kangrunaan na ti market master tapno maamoan no ania dagiti ilungalong da a kasayaatan a maaramid tapno maliklikan ti problema.
Segun iti mayor, maawatan na a ti panagkalikagom dagiti umili ditoy ciudad a maaddaan ti dakdakkel a mapastrek ngem masapol a maiplastar a naimbag dagiti rebbeng a pakaipwestoan dagiti aglaklako.
