LAOAG CITY – Inpakaammo ni P/Capt. Rudy James Jacalne, Deputy Chief of Police ti Laoag City Police Station a nangbukelda ti lima a grupo para iti al-alisto a pannakaipatungpal ti 5-minute response time.
Segun kenkuana, adda ti saggaysa a police mobile dagiti nasao a lima a grupo tapno napaspaspas dagitoy a makapagresponde kadagiti agkasapulan ti tulong.
Inbatadna a naiget ti pammilinna kadagiti amin a pulis nga adda iti babaenna nga agbalin a seryoso iti pannakaipatungpal ti 5-minute response time kadagiti amin a barangay ditoy siudad ti Laoag.
Inlawlawagna a naiget pay a maipatpatungpal ti pannakaipawil ti panag-standby dagiti kapulisan iti uneg ti kuerpo ti pulisia tapno maipasigurado a dagiti pulis ti seguridad dagiti umili
Immuna iti daytoy, inbilin ni Philippine National Police Chief Police General Nicolas Torre III ti naiget a pannakaipatungpal ti 5-minute response time kadagiti amin a pulis iti intero a pagilian.
