LAOAG CITY – Naragsak nga inpakaammo ni Jail Warden Edietor Guiang ti Ilocos Norte Provincial Jail nga addan iti nasayaat a kasasaad ti maysa a balud a naatake.
Inbatadna nga in-inot ket maigargarawen ti nasao a balud ti ima ken sakana no sadinno no dadduma ket kabaelannan ti magna nga agmaymaysa.
Inlawlawagna a naiget ti panangmonitor ti Provincial Health Office iti nadakamat a balud tapno agtultuloy ti panagimbag daytoy.
Maipalagip a naitaray iti ospital ti maseknan a balud kalpasan a naatake idi panawen ti kalgaw ken nagpaut daytoy ti sumagmamano a lawas iti ospital.
Kabayatanna, naammoan a sumangsango ti nasao a balud iti kaso gapu iti panaglabsingna iti Republic Act No. 9165 Comprehensive Dangerous Drugs Act of 2002.
