LAOAG CITY – Nagtalinaed a naka-red alert ti Bureau of Fire Protection kalpasan ti nagsasaruno nga iduduprak ti bagyo ken ti epekto ti abagat.
Daytoy ti inbatad ni Fire Supt. Roxanne Parado, ti Firemarshall iti Bureau of Fire Protection ditoy probinsya.
Kuna na nga agpannuray iti Office of the Civil Defense no kaanu da nga ikkaten ti red alert status.
Mangnamnama ni Parado a sumayaaten ti paniempo ken awanen dagiti dumuprak a bagyo ditoy probinsya.
Innayon na a no naan-anayen a makaruwar ti Bagyo Emong ditoy pagilian, awanen ti epekto ti abagat ket pangta ti layos ket mabalin danton ti aginana ken dagiti dadduma pay a responders.
Mainaig iti daytoy, inpakaammo ni Parado nga iti iduduprak ti bagyo Dante ken Bagyo Emong ket awan ti nairekord da a fire incident ngem iti iduduprak ti bagyo Crising ket adda ti rinespondean da a nauram a behikulo iti ili ti Bacarra.
