LAOAG CITY – Pabor ni Rep. Rodolfo “Ompong” Ordanes nga agbalin a simple laeng ti maikapat nga State of the Nation Address wenno SONA ni Pres. Ferdinand Marcos Jr.
Inbatad ni Ordanes, umanayen ti naurnos nga aruaten dagiti agatendar iti State of the Nation Address kas ti isuotna a maysa laeng a simple a barong.
Inlawlawagna nga aniaman ti isuot ket mangngegan met latta ti irakurak iti publiko ti Presidente.
Kunana a daytoy ket kas panangsuportar iti panawagan ni House Speaker Martin Romualdez nga aramiden a simple ti panagatendar iti State of the Nation Address gapu iti situasion dagiti naruay a Pilipino a nakaro a naapektaran gapu kadagiti nagsasaruno a dimmuprak a bagyo ken abagat.
Innayonna a ti napateg ket mangngeg dagiti agpanpanday linteg pakairamanan dagiti amin a Pilipino ti legislative agenda ti Presidente iti maikapat a tawen a terminona.
