LAOAG CITY – Natay ni Major General Duong Somneang, ti kumander ti Cambodia’s 7th Division iti agtultuloy a rinnupak iti nagbaetan ti pwersa da ken ti Thailand.
Napatay daytoy iti maysa nga artillery strike iti lugar ti Chong Ta Thao–Phu Ma Kua ita nga aldaw, sabado, Hulyo 26, 2025.
Napasamak daytoy bayat ti panaglablaban ti dua a partido tapno makontrol ti pagin-innagawan a teritoryo.
Basar iti report, nasapa a nangrugi ti rinnupak no sadinno a nagballigi a nangiyabog ti Thai forces kadagiti tropa a Cambodian manipod iti Phu Ma Kua.
Ginandat ti Cambodia ti mangiyuswat ti counterattack, ngem nagtungpal daytoy iti ado a casualties, karaman ni Major General Somneang.
