LAOAG CITY – Inrakurak ti Russia a nasakupdan ti Zelenyi Hai idiay Donetsk ken Maliivka idiay Dnipropetrovsk iti daya ti Ukraine.
Saan met a kinumpirmaran ti Ukraine ti pannakaabakda kadagiti village ngem inpadamagda ti naiget a rinnupak.
Inbatad ni President Volodymyr Zelenskyy a nagtalinaed a sentro ti riribuk iti siudad ti Pokrovsk.
Inbutaktakna ti balligi nga operasion ti Ukrainian forces iti Sumy iti northern border.
Iti agdama, awan pay ti nalawag a datos mainaig kadagiti rakurak ti dua a pagilian.
Maipalagip nga iti maikatlo a panagtataripnong idiay Turkey ket naisayangkat tapno talantanen ti conflict resolution.
Naammoan nga adda ti nagbanagan ti panagsinnukat kadagiti hostage ken dagiti bangkay dagiti natay ngem awan ti katulagan iti tigil-putukan.
Mainaig iti daytoy, inaldaw nga iwarwaragawag ti Russia ti panangsakupna kadagiti teritorio kabayatan ti panangrautda.
Dinakamat ti Russian Defense Ministry ti Zelenyi Hai a daytoy ket maibilang a napateg a kuta ti Ukraine ti sinakupda.
Kabayatanna, inpakaammo ti Ukraine a sumagmamano a panangatake iti Maliivka ken Zelenyi Hai ti nalappedanda idinto nga agtultuloy ti panangraut idiay Pokrovsk.
