LAOAG CITY – Agtultuloy ti rinnupak iti nagbaetan ti Cambodia ken Thailand.
Daytoy ket iti baet ti panangirakurak ni United States President Donald Trump nga immannugot ti dua a pagilian ti ceasefire talks.
Naammoan a dumanonen iti 35 nga indibidual ti natay idinto nga adda ti agarup 200 a dadduma pay ti nasugatan ken sumurok 200 a ribu ti naibakwiten gapu iti riribuk.
Mainaig iti daytoy, agpada nga inakusaran ti tunggal maysa dagiti nasao a pagilian a nangrugi iti panangatake a nangitunda ti nakarkaro a riribuk iti border.
Kabayatanna, naikeddeng nga agtaripnong ti lider ti dua a pagilian babaen ti Malaysia tapno pagsaritaan ti ceasefire.
