LAOAG CITY – Possible nga umabot iti 10 wenno nasursurok pay dagiti kongresista iti 20th Congress ti agserserbi a supplier wenno contractor kadagiti proyekto ti gobierno.
Daytoy ti inbutaktak ni kalpasan a dinillaw ni Presidente Ferdinand Marcos Jr. iti maikapat nga State of the Nation Address (SONA) ti sumagmamano nga opisyal ti gobierno gapu kadagiti palpak a flood control projects.
Saan met a masigurado ni Tulfo no adda met dagiti contractor iti senado gapu ta saanna nga ammo ti negosyo dagiti pada na a senador.
Malaksid iti daytoy, no maaddaan man ti panagdengngeg, possible a mapaawagan dagiti agpanpanday linteg ngem mabalin nga agkedked dagitoy gapu iti parliamentary courtesy.
Innayon ni Tulfo a sakbay pay ti State of the Nation Address ket nagpungtot ni Presidente Marcos gapu kadagiti kwestyunable a proyekto ti gobierno kangrunaan na dagiti flood control projects.
Kabayatanna, saan pay a sigurado ni Tulfo no ni Undersecretary Roberto R. Bernardo ti Department of Public Works and Highways ti naikkat iti pwesto.
Ni Bernardo ti Undersecretary for Regional Operations ti ahensya nga akinsakop iti MIMAROPA.
