LAOAG CITY – Maiyuswat ti imbestigasion ti Senado mainaig iti online gambing ditoy pagilian inton Agosto 14.
Idauloan ni Senador Erwin Tulfo kas Chairman ti Senate Committee on Games and Amusement dagiti naipila a gakat kontra iti online gambling.
Segun iti Senador, inkarina nga ipangpangruna a talantanen dagiti nasao a gakat gapu ta maibilang a krisis ti situasion.
Inpettengna a kasapulan nga insigida nga agtignay tapno maresolbar dagiti problema mainaig iti daytoy.
Inlawlawagna nga uray total ban ti kalikagumna ket denggenna latta ti takder ti gobierno kas ti Philippine Amusement Gaming Corporation (PAGCOR) ken Department of Finance.
Kunana a kitaen ti pros and cons no naan-anayen nga ikkaten ti online gambling.
Inpakaammo ti Senador nga awan ti pagannurotan isu nga awan ti sarday ti panagsugal dagiti tattao ken awan ti kontrol no mano ti pusta iti nasao a sugal.
Inpaganetgetna a kasapulan a tingitingen no ania ti napatpateg a no ti biruk manipud iti panagsugal wenno ti dakes nga epekto daytoy iti komunidad.
Talantanen ti Senate Games and Amusement Panel ti uppat a gakat, tallo a resolusion ken privilege speech mainaig iti online gambling.
