LAOAG CITY – Kiniddaw ti kampo ni Vice President Sara Duterte iti Korte Suprema nga ibasura ti motion for reconsideration (MR) nga inpila ti House of Representatives.
Ti nasao a motion for reconsideration nga inpila ti Kamara ket kalpasan a winaswas ti bileg ti Korte Suprema ti articles of impeachment kontra iti Bise Presidente.
Basar iti 27 a panid a komento a maibilang a lack of merit ti motion for reconsideration nga inpila ti House of Representatives.
Iti motion for reconsideration ti Kamara a naaddaan ti factual errors ti desision ti Korte Suprema no sadinno a ti maikapat nga impeachment ket kumpleton maidasig iti immuna a tallo a naipila.
Inpetteng ti Bise Presidente nga arig aginbubulsek ti Kamara iti desision ti Korte Suprema ken nalawag a daytoy ket diversion laeng.
Maipalagip nga idi Hulio idi lappedan ti Korte Suprema ti impeachment trial ti Senado gapu iti panaglabsing ti probision ti panangipila ti sumurok iti maysa a reklamo iti maysa a tawen.
Kabayatanna, idi Pebrero idi naipila ti impeachment ken ni Vice President Duterte iti Kamara gapu iti reklamo a graft, corruption ken assassination plot kontra ken ni Presidente Ferdinand Marcos Jr.
