LAOAG CITY – Dimmalan iti tsunami drill ti City Disaster Risk Reduction and Management Office ditoy siudad ti Laoag.
Segun ken ni Dr. Melvin Manuel, mangidadaulo ti nasao nga opisina, daytoy ket maysa a wagas para iti naan-anay a panagsagsagana iti aniaman a sumangbay a didigra.
Inbatadna a naisayangkat ti 2nd quarter nationwide simultaneous tsunami drill iti Barangay Gabu ditoy siudad ti Laoag.
Inbatadna a kaduada a nakipagpaset iti nasao nga aktibidad ti Philippine National Police, Bureau of Fire Protection, Philippine Coast Guard, Laoag City General Hospital ken ti Barangay Disaster Risk Reduction and Management Office ditoy siudad ti Laoag.
Inlawlawagna a napateg daytoy a panagsanay tapno al-alisto a maammoan ti aramiden no adda dagiti kalamidad.
Kunana a babaen ti tsunami drill ket ditoy a naipaadal ti “life saving protocols” kas ti Duck, Cover and Hold ken evacuation drills.
Innayonna a daytoy a quarterly drill ket maysa a proactive step iti panangpapigsa kadagiti disaster preparedness ken response systems ditoy siudad ti Laoag.
