LAOAG CITY – Natay ti uppat nga indibidual ken dua ti nasugatan gapu iti gas leak ti pharmaceutical company iti Maharashtra idiay India.
Segun ken ni Palghar district’s Resident Deputy Collector Subhash Bhagade a rumrummuar a nitrogen gas leak ti napasamak.
Inbatadna a saan pay a masinunuo no mano dagiti tattao nga agtrabtrabaho iti planta idi napasamak ti insidente.
Kunana nga iti agdama ket manarimaan pay laeng a matamtaming iti ospital dagiti dua nga indibidual a nasugatan.
Innayonna a napaserraan pay laeng ti nasao a kompania kabayatan a maiwaywayat ti naun-uneg nga imbestigasion.
