LAOAG CITY – Umabot iti 15 a tattao ti natay kalpasan ti napasamak a panagbettak iti asideg ti pakaiyus-uswatan ti rally iti Pakistan.
Malaksid kadagiti natay ket adda pay ti nasurok a 30 a sabsabali dagiti nasugatan iti insidente.
Immuna iti daytoy, nagtitipon dagiti ginasut a miembro ti Balochistan National Party (BNP) tapno mangiyuswat ti rally iti stadium iti Quetta a kabisera ti probinsya ti Balochistan, idi kellaat lattan a bimtak ti bomba iti parking area.
Inadmitir met a dagus ti Islamic State militant group nga isuda ti adda iti likudan ti napasamak a panagatake.
Ti Balochistan, a masarakan iti borders ti Afghanistan ken Iran ti maibilang a kadakkelan ken kakurapayan a rehiyon iti Pakistan.
