LAOAG CITY – Nasurok uppat a gasot a tattao ti tiniliw dagiti otoridad iti paktorya ti lugan idiay Georgia, USA.
Indaulwan ti immigration authorities ti pannakatiliw dagitoy a kaadoan ket South Koreans.
Ti nasao a planta ket agar-aramid kadagiti electric vehicles ken nasurok maysan a tawen nga agop-operar.
Segun iti Department of Homeland Security, inpatungpal da ti search warrants gapo iti alegasyon ti “unlawful employment practices ken sumagmamao a seryoso a federal crimes”.
Inlawlawag met ni Steve Schrank, ti special agent in charge ti Homeland Security Investigations idiay Atlanta a sumagmamano a bulan dan nga im-imbestigaren daytoy ken nakaala da kadagiti ebidensiya.
Ibilang da met daytoy a kadakkelan a single-site enforcement operation iti pakasaritaan ti homeland security investigation.
Naamoan a dagiti awanan ti umno a dokumento ket temporaryo nga adda iti US Immigration and Customs Enforcement (ICE) idiay Folkton, Georgia.
