LAOAG CITY – Umabot iti P950 million ti abak iti casino dagiti naawagan a BGC Boys iti Department of Public Works and Highways (DPWH) iti sumagmamano a tawen.
Segun kenni Senate President Pro-Tempore Panfilo Lacson, nagpammarang a contractor da Bulacan 1st District Engineer Henry Alcantara, Assistant Engineers Brice Hernandez, Jaypee Mendoza, Arjay Domasig, ken Edrick San Diego tapno makastrek iti casino.
Inbatad ni Lacson a napan ni Hernandez iti casino idi Setyembre 1 nga isu met ti panangrugi ti imbestigasion ti Senado iti anomaly iti flood control ken naamoan a napan pat dagiti tallo pay a miembro ti naawagan a BGC Boys.
Naduktalan ni Lacson ti ginasut a dokumento a pammaneknek iti anomalya ti kwestionable a bidding, timelines of project implementation, manipulated progress reports, ken ti falsified public documents.
Innayon na nga insubmitir na ti nagan ti grupoken dagiti alyas da iti Anti-Money Laundering Council.
