LAOAG CITY – Manamnama ti pannakaitantan ti panagawid dagiti South Korean workers a nabalud idiay Estados Unidos.
Inbatad ti South Korean Foreign Ministry a marigatan da a mangisubli kadagiti kadaraan da iti pagilian da gapu iti kaado dagiti paspasamak iti Amerika.
Nupay kasta, naipasigurado ti agtultuloy a koordinasyon iti South Korea ken Amerika tapno makaawiden dagiti South Korean workers iti kabiitan a panawen.
Maipalagip nga inbalud dagiti US officials ti 475 nga indibidual no sadinno nasurok a 300 ditoy ket South Korean nationals kalpasan a naduktalan nga illegal ti panagtrabtrabaho da iti battery facility, ti maysa kadagiti kadakkelan a foreign investment projects iti estado.
