LAOAG CITY – Ad-adda pay a mapalawa ti free movie program para kadagiti senior citizen ken persons with disabilities ditoy ciudad ti Laoag.
Daytoy ket babaen ti maysa a resolusyon a mangsuporta ti pannakaipalawa ti free movie program para kadagiti senior citizen ken persons with disability nga inrugi ti gobierno lokal ditoy ciudad babaen ti pannaki-partner da iti SM Cinema, ken manggutgutigot ti pannakaiyimplementar na iti intero nga Ilocos Norte.
Basar iti sponsorship speech ni Bokal Saul Lazo, nakisarita ni Bokal Hanson Chua a kadwana nga sponsor iti nasao a gakat ken ni Governor Cecilia Araneta-Marcos ken Vice Governor Matthew Marcos Manotoc ket inaprobaran da ti pannakasuporta ti programa ti ciudad.
Kunana a ti nasao a programa ket agpaot laeng agingga intono Disyembre 31, 2025.
