LAOAG CITY – Inpakaamo ni Atty. Charito Malicad, ti mangidadaulo ti City Tourism Office ditoy ciudad ti Laoag nga addan ti pammalubos ti National Commission for Culture and the Arts para iti pannakatarimaan iti Gabu Watch Tower ditoy ciudad.
Segun kenkuana, mabalinen nga iyimplementar dagiti rekomendasion ken suhestyon babaen ti City Engineering Office para iti naan-anay a pannakatarimaan ti sumagmamano a paset ti Gabu Watch Tower.
Mainaig iti daytoy, kuna ni Malicad a maiyur-uray laengen ti pinal nga addang no kaano a marugyan ti pannakatarimaan ti Gabu Watch Tower babaen iti koordinasion ti Mayor, City Engineering Office ken iti barangay.
Inpakaammo na nga adda ti maysa a milyon a pisos a pondo para iti rehabilitation kadagiti cultural properties ditoy ciudad.
Maipalagip a nadadael ti sumagmamano a paset ti Gabu Watch Tower gapu iti napasamak a gingined idi Enero ita a tawen.
