LAOAG CITY – Naglikudan ti Department of Justice nga adda ti ‘political persecution’ iti panagbalin dagiti sumagmamano nga indibidual kas testigo iti International Criminal Court.
Segun kenni Justice Assistant Secretary Mico Clavano, makasigurado ti publiko a dagiti testigo kontra kenni dati a President Rodrigo Roa Duterte ket saan a mausar iti pampulitika nga interes laeng.
Inpetteng na a nakabase iti addang ti ahensya kadagiti ebidensiya a naipresentar ken kadagiti mauk-ukkon da.
Kunana a saan laeng a ‘probable cause’ dagitoy no diket kalikagom da ti kaadda ti ‘reasonable certainty of conviction’ tapno sumango iti korte.
Awan ti pilpilyen ti ahensya no siasinno dagiti mapilaan ti kaso wenno maasistiran nangruna no adda ti makaanay nga ebidensiya.
Mamati daytoy a napinpintas no ti imbestigasyon mainaig iti patungkol war on drugs ket iti International Criminal Court tapno maisina ti kaso kadagiti isyu ken interes iti pulitika.
Ummunan nga inbatad ti ahensya nga adda ti uppat ngaindibidual a naipaayan ti proteksyon para iti panagbalin na a testigo kontra iti dati a Presidente.
Karaman iti kinumpirmaran ti ahensya ti panagtestigo ni Royina Garma, dati nga opisyal ti pulisya a mairamraman iti implementasyon ti ‘war on drugs’.
