LAOAG CITY – Naruay dagiti aktibidad ken programa a maipatungpal intono disiembre kas paset ti panangselebrar ti paskua ditoy ciudad ti Laoag.
Daytoy ti inpanamnama ni Atty. Charito Malicad, ti mangidadaulo ti City Tourism Office ditoy ciudad ti Laoag.
Kuna ni Malicad, kas maysa a Pilipino ket rumbeng laeng a selebraran ken saganaan ti paskua gapu ta isu ti maysa kadagiti karagsakan nga aldaw iti intero a lubong.
Innayon na nga iti itatappog paylaeng ti bolan ti Setyembre ket mariknan ti espiritu ti paskua para iti tunggal maysa.
Mainaig iti daytoy, inlawlawag ni Malicad nga uray saan a paskua ket agtultuloy latta ti panangipaay ti lokal a gobierno ditoy ciudad kadagiti agkakapintas nga aktibidad ken programa para kadagiti umili.
