LAOAG CITY – Dumanon iti P7.47 milyon ti nagastos ni Vice President Sara Duterte iti panagbiahe daytoy iti sabali a pagilian.
Inbatad ni Office of the Vice President Budget Division chief Kelvin Gerome Tenido, manipud pay idi Hulio 31 ket dumanonen iti P20.68 milyon ti nagastos.
Iti nasao a gatad, P13.21 milyon ditoy ket iti babaen ti local travels idinto a P7.47 milyon met iti babaen ti biahe iti sabali a pagilian.
Inkalintegan ti Office of the Vice President assistant chief of staff Lemuel Ortonio ti panagbiahe ni Duterte no sadinno nga addaan daytoy ti umdas a dokumento wenno travel authority ken saan a nagusar ti pundo ti gobierno.
Naikeddeng nga agbiahe ti Bise Presidente idiay Tokyo ken Nagoya idiay Japan inton Septiembre 20 ken 21.
Naammoan a daytoyen ti maika-13 a biahe ni Duterte kadagiti dadduma pay a pagilian ita a tawen.
