LAOAG CITY – Nakasangpeten idiay Israel ni United States Secretary of State Marco Rubio tapno maammoan ti sungbat iti inaramid a panangraut idiay Qatar.
Nakalangen-langenna ni Israeli Prime Minister iti maysa a panagkararag iti Western Wall ti Jerusalem.
Immunan a nagturong ni Rubio idiay Gaza tapno kitaen ti kasasaad dagiti umili.
Maipalagip nga inatake ti Israel ti Qatar no sadinno a target-da dagiti Hamas nga isu ti responsable iti pammaltog idiay Jerusalem a nakatayan ti innem nga indibidual.
