LAOAG CITY – Inrakurak ni French President Emannuel Macron kabayatan ti United Nations General Assembly (UNGA) idiay New York pormalen a bignigbig ti France ti Palestine State.
Segun kenni Macron, napateg ti panangbigbig da tapno malpasen ti panangatake ti Israel iti Gaza.
Inbatad na a desidido ti pagilyan da iti panangilungalong ti ceasefire iti nagbaetan ti Israel ken Palestine ken daytoyen ti panawen tapno agsardengen ti riribok.
Kunana a nasken pay a mawaya-wayaan dagiti nabatbati pay nga Israeli hostages nga iggem ti Hamas.
Ummunan nga inrakurak dagiti pagilyan a Britanya, Canada, Australia ken Portugal a pormal nan a bigbigbigen ti Palestine State.
Kuna pay ni Macron a kumpirmado a bigbigen met ti Belgium, Luxembourg, Malta, Andorra ken San Marino ti Palestinian state.
Kabayatanna, addan ti nasurok 65,000 a Palestinians ti napatay ti Israel sipud nangrugi ti riribok kas basar iti datos ti Gaza’s Hamas-run health ministry.
