LAOAG CITY – Alisto nga inaprubaranen ti Senate finance subcommittee ti nailungalong P902.895 million budget ti Office of the Vice President para iti fiscal year 2026, no sadinno a nagpaot laeng ti budget hearing iti agarop maysa nga oras.
Nag-mosyon ni Senate Majority Leader Juan Miguel “Migz” Zubiri para iti pannakaipalawa ti parliamentary courtesy iti Office of the Vice Presidente, a nangibagaan na a ti 2026 proposed budget ket “lean and mean.”
Sinegondaan met daytoy ni Senador Ronald “Bato” Dela Rosa kalpasan nga inpeksa ti sumagmamano a senador ti suporta da iti pondo para iti Office of the Vice President.
Dagus met nga inaprubaran ni Senate finance committee chairman Sherwin Gatchalian ti mosyon kalpasan nga awan dagiti nangkontra a senador.
Personal a napan nagatendar ni Vice President Sara Duterte iti Senate budget deliberations tapno dependaran na ti budget iti opisina na.
Awan met ti kiniddaw ti Office of the Vice President nga aniaman a confidential funds para iti sumaruno a tawen.
