LAOAG CITY – Kiniddaw ni Mayor Virgilio Calajate iti ili ti Badoc iti Provincial Veterinary Office nga idadaulwan ni Dr. Loida Valenzuela a mainspeksyon dagiti aglako ti karne iti merkado publiko nangruna dagiti frozen meat.
Segun kenni Valenzuela, daytoy ket tapno masigurado a natalged dagiti gatgatangen dagiti umili.
Kunana nga adda ti impormasyon nga adda dagiti awan ti dokumento na ken no makumpirmaran da daytoy ket dagus ti panangkumpiskar da.
Inbatad na a kitaenda pay no husto ti pannakai-display dagiti karne ken no ania a klase dagitoy.
