LAOAG CITY – Inadmitir ken nagpadespensar ni Ms. Dianne Domingo, Barangay Admin iti Barangay Bengcag ditoy ciudad ti Laoag kalpasan a saan na a napatgan ti kiddaw ni Judeyn Rangpas nga agpa-xerox iti ID ti anak na a benepisyaryo iti tulong manipud iti Department of Social Welfare and Development (DSWD).
Segun kenni Domingo, naibaga na ti “awan” iti kiddaw ni Rangpas gapo ta ado ti kumikom na iti dayta a gundaway nangruna ket saan laeng a taga Barangay Bengcag.
Inlawlawag na a mabalin a ti pannakakita ni Rangpas kenkuana a nag-xerox iti ID ti sabali a benepisyaryo ket awanen ti ado nga ubra na.
Inbatad na nga idi pay nakita ti maysa a konsehal nga ado dagiti rumuar pay laeng iti barangay hall tapno agpaxerox ken indiaya da nga isuda laengen ti mang-xerox kadagiti kasapulan kas iti ID.
Kunana nga idi nalpas ti pay-out wenno pannakaibunong ti tulong ken nagpadespensar iti asawa ni Rangpas a maysa a barangay tanod, kasta met a kalikagom na kuma a maikkat ti post iti online mainaig iti napasamak.
