LAOAG CITY – Manarimaan ti pannakaiyuswat ti comprehensive sexuality education kadagiti nagduduma a pagadalan ditoy ciudad ti Laoag.
Segun ken Ms. Janet Retamal iti Commission on Population and Development, gagem ti nasao a programa a tulungan dagiti agtutubo tapno maprotehiran ti well-being dagitoy.
Kunana a maysa daytoy a wagas tapno maipakaammo kadagiti agad-adal nga adda ti opisina da a mang-guide kadakuada.
Inbatad ni Retamal nga iti uneg ti pagadalan ti pakaiyususwatan ti programa gapo ta ditoy a maamuan dagiti estudyante a makapaspasar ti bullying, issue panggep ti depression ken pannaka-abuso, ken tapno malapdan pay ti nasapa a panag-sikog para kadagiti babbai.
Ti nasao a programa ket tapno matulungan dagiti agtutubo nga agbalin a responsible young adult kabayatan ti adolescene journey dagitoy.
