LAOAG CITY – Naikeddeng nga agbalin a kaunaan a babai a Prime Minister idiay Japan ni Sanae Takaichi.
Ti Japan’s ruling conservative party ti nangbutos ken ni Sanae Takaichi kas baro a lider a nangiposision iti agtawen ti 64 nga agbalin nga umuna a babai a Prime Minister idiay Japan.
Karaman ni Takaichi kadagiti ad-adda a conservative candidates nga agsanud iti ruling party’s right. Maysa a dati a ministro ti gobierno, host ken naiget nga heavy metal drummer ken maysa kadagiti best known figures iti Japanese politics.
Adu a karit ti maipasango kenkuana kas ti pannakilabanna iti garaw ti ekonomia ken dagiti umili a makilablaban iti agtultuloy nga inflation ken awan ti panagbalbaliw a sueldo dagiti mangmangged.
Masapul met nga ag-navigate iti natibker a relasion ti United States-Japan ken kitaenna ti tariff deal iti administrasion ni Trump nga immanamong ti napalabas a gobierno.
No mapasingkedan a kas Prime Minister, maysa kadagiti kangrunaan a karit ni Takaichi ket ti panagkaykaysa ti partido kalpasan ti nariribuk a sumagmamano a tawen a nakakitaan daytoy ti riribuk babaen kadagiti eskandalo ken dagiti internal conflicts.
Maipalagip nga iti napalabas a bulan, inrakurak ni Prime Minister Shigeru Ishiba, a nasurok a makatawen laeng ti terminona, nga agikkat kalpasan ti agsasaruno a pannakaabakna iti eleksion a nakakitaan a napukaw ti agturturay a koalision ti Liberal Democratic Party (LDP) ti kaaduan iti agpada a kamara ti parliamento.
