LAOAG CITY – Inbatad ni Mr. Ricky Mark Ancheta, Master Teacher I iti Agripino P. Santos Elementary School ditoy ciudad ti Laoag nga inkaubingan na a ti arapaap na a pagbalinen ket maysa a manhgisursuro.
Inlawlawag na a ti ad-adda manen a nangiduron kenkuana tapno ipursige na ti arapaap na ket gapu iti panagpaspasar na ti diskriminasyon idi agad-adal paylaeng gapu iti physical appearance na.
Kuna na a mamati a babaen ti panagbalin na a naan-anay a mangisursuro ket mapukaw daytoy nga imahen kadagiti ubbing.
Inrakurak na a kas maysa a mangisursuro ket kayatna nga ipasagepsep iti panunot dagiti agad-adal ti kinapateg ti panangipaay ti respeto iti pada da nga ubbing uray aniaman ti kinatao ti tunggal maysa.
Innayon na pay a kanayun ti panangisuro da kadagiti ubbing kadagiti nasayaat a panagug-ugali a rumbeng nga ipakat da saan laeng a kadagiti pada da a mangisursuro no di ket kadagiti pay nagannak, mangisursuro ken amin a makapulapol da a tattao.
Mainaig iti daytoy, inrakurak ni Ancheta a kasapulan ti ado nga anos iti panangmuli iti talento, skills ken abilidad dagiti agad-ada.
