LAOAG CITY – Inlawlawag ni Mayor James Bryan Alcid ditoy ciudad ti Laoag nga iti napalabas nga administrasyon ket adda ti unliquidated fund iti Laoag City General Hospital isut gapuna a saan a dagus a nakaala ti pondo.
Segun ken ni Alcid, adda ti naangay a diskusyon iti nagbaetan ti Laoag City General Hospital ken ti ken Department of Health mainaig iti daytoy a banag.
Inbatad na nga apaman a naamoan na daytoy a banag ket nagtitinnulungan da nga inplastar dagiti kasapulan a dokumento tapno amin a kiddawen ti nasao nga ospital iti Department of Health ket maipaay.
Kunana a daytoy ti rason no apay a saan a nakaaw-awat ti Laoag City General Hospital kadagiti kasapulan da manipod iti Department of Health kadagiti naglabas a tawen.
