LAOAG CITY – Disiplina ti tattao ti kasapulan tapno masolusyonan ti naangseg a paset ti Blas Cid St. a sakupen ti Barangay 16 wenno sangwanan ti Laoag City Public Market and Commercial Complex ditoy ciudad ti Laoag.
Daytoy ti nagbalin a statement ni Mayor James Bryan Alcid kalpasan a nasaludsod kenkuanna iti pakaseknan iti naangseg a paset ti nasao a dalan.
Kunana a personal a naangot na daytoy gapo ta mismo nga isuna ket dumaldalyasat iti nasao a kalsada.
Inbatad na a sipod nagtugaw kas mayor ket inbilin na iti General Services Office a madalusan ti lugar ken insigida met nga inarammid ti nasao nga opisina.
Nupay kasta, kuna ti mayor a kalpasan iti maysa laeng nga aldaw ket maangot manen ti saan a makaay-ayo nga angot.
Gapu iti daytoy, patien ti mayor a saan nga iti panagdalos ti ksapulan no diket disiplina dagiti tattao ti kasapulan.
Inpakaammo na a malaksid iti daytoy a lugar ket adda pay ti dadduma a paset ti ciudad a pagis-isboan dagiti tattao a rumbeng koma a maipawil.
Innayon na nga addan iti panagsasarita da mainaig iti daytoy a banag ken kitkitaen da no mabalin a mangipatakder da ti pampubliko a Comfort Room iti nadakamat a lugar.
