LAOAG CITY – Inbatad ni Public Works and Highways Secretary Vince Dizon nga umabot iti 421 ti ghost projects manipud kadagiti 8,000 a proyekto a nainspeksyon.
Segun kenni Dizon, ti inspeksyon ket naiyuswat kadua da dagiti kameng ti Philippine National Police ken Armed Forces of the Philippines iti napalpalabas a lawas.
Malaksid kadagiti military and police personnel, kadua da pay ti Department of Economy, Planning, and Development iti simultaneous inspections.
Kunana a dagiti ghost projects ket nadiskubre iti nagduduma a lugar iti Luzon, Visayas, ken Mindanao ngem kaadoan ket iti Luzon.
Kalpasan daytoy ket nagturong ni Dizon iti Independent Commission for Infrastructure (ICI) tapno isubmitir ti report.
Kadua da ni Public Works and Highways Undersecretary for regional operations Arthur Bisnar ken Independent Commission for Infrastructure special adviser ken investigator a ni dati a Police chief Gen. Rodolfo Azurin.
Inlawlawag pay ni Dizon nga ipinpinal da iti Independent Commission for Infrastructure ti panangala kadagiti kameng ti Philippine National Police ken Armed Forces of the Philippines tapno agimbestigar pay iti anomalya nga infrastructure projects.
