LAOAG CITY – Kalikagom ni Mayor James Bryan Alcid ti pannakaramid ti “Laoagenio Card” para kadagiti umili ditoy ciudad ti Laoag.
Segun kenni Alcid, ti nasao a card ket maipakita no agawat kadagiti serbisio, agkiddaw ti tulong wenno aniaman a kasapolan da kadagiti nagduduma a pangopisinaaniti lokal a gobierno.
Inbatad na nga ideya na pay laeng daytoy idi konsehal isut gapo na nagpaiprograma iti IT department.
Inlawlawag na a makatulong daytoy tapno saan nga agdoble ti maipaay a serbisyo gapo ta adda dagiti dadduma a maikkan, adda met dagiti saan.
Kunana a daytoy pay ket tapno mamonitor ti datos wenno transaksyon dagiti serbisyo a naipaay babaen kadagiti departamento kas iti City Agriculture Office wenno Rural Health Unit ken dadduma pay.
Innayon na a babaen iti daytoy ket sapasap a maipaayan amin dagiti umili ditoy ciudad ti serbisio a kasapulan dagitoy.
