LAOAG CITY – Dumanonen iti agarup 1,000 nga aftershocks ti nairekord ti Philippine Institute of Volcanology and Seismology (Phivolcs) idiay Davao Oriental kalpasan ti magnitude 7.4 ken magnitude 6.8 a gingined.
Basar iti Philippine Institute of Volcanology and Seismology, addan ti pakabuklan a 1,111 ti nairekordda sipod itay pangaldaw.
Manipud iti daytoy a bilang, 511 ti naduktalan ti Philippine Institute of Volcanology and Seismology idinto a 14 met ti narikna.
Naammoan a dagiti nasao nga aftershocks ket agtultuloy nga adda iti nagbaetan ti magnitude 1.2 agingga iti 5.8.
Kabayatanna, agtultuloy ti monitoring ti Philippine Institute of Volcanology and Seismology kadagiti mairekrekord nga aftershocks iti probinsia pakairamanan kadagiti dadduma pay a kaparanget a rehion.
