LAOAG CITY – Addan ti 87% dagiti nakapagparehistro ti National ID ditoy probinsia agingga idi Agosto 31,2025.
Segun kenni Mr. Renz Sanchez, Officer-In-Charge iti Philippine Statistic Authority – Ilocos Norte, inbasar da ti nasao a datos iti 2024 Census.
Kuna na a manipod iti target da a 650,000 ket addan ti 536,807 a nakapagparehistro.
Inbatad na a karaman kadagiti nakaparehistron ket dagiti kaipasngay ken dagiti agtawen ti nababbaba ngem lima.
Inlawlawag ni Sanchez a dakkel a tulong ti pannakikoordinar da kadagiti Local Government Units gapu ta isuda pay ti dumanun uray kadagiti nasulimek a lugar.
Kabayatanna, inrakurak ni Sanchez nga agpapan kadagitoy ket adda paylaeng ti problema iti pannakaited ti physical Card isut gapuna a gutgutiguten da ti publiko nga usaren ti digital Card ken ti Papel.
Innayon na ano adda ti physical card a sumangpet ket isuda pay a mismo ti mangited, ngem no awan pay ket mabalin nga usaren da dagiti dua a klase ti card.
