LAOAG CITY – Binigbig ti Israel ti uppat a bangkay dagiti hostages ti Hamas.
Basar iti Israel Defense Forces, dagiti dua manipud kadagiti uppat nga hostages a winaya-wayaan ti Hamas ket nabigbig nga isuda Bipin Joshi ken Guy Illouz.
Makapungtot dagiti maseknan a pamilia nga Israeli gapu ta kadagupan iti 28 a natay nga hostages ket uppat pay laeng ti naisubli.
Naipadalan dagiti Israeli hostages a nawaya-wayaan iti medical check up no sadinno a naammoan kadakuada dagiti pannubok a napasaranda kas ti panagbisin ken panangparigat.
Maipalagip a ginasgasut a Palestino ken Israeli ti nawaya-wayaan kalpasan ti sumurok dua a tawen a gubat iti nagbaetan ti Israel ken Hamas.
Kabayatanna, dinayaw ni United States President Donald Trump a nakapatpateg nga aldaw para iti Middle East kalpasan ti panagpinnirmada kadagiti regional leaders iti maysa a dokumento para iti Gaza ceasefire deal.
