LAOAG CITY – Kalikagum ni Presidente Ferdinand Marcos Jr. a maisardengen ti palakasan system kadagiti farm-to-market road projects (FMR).
Inaramid ni Presidente Marcos ti rakurak iti baet ti maiwaywayat nga imbestigasion ti gobierno iti P105 milyon a balor a maipagarup a ghost projects a farm-to-market roads idiay Mindanao.
Iti rakurak ti Presidente iti pannakairubuat ti Union Water Impounding Dam idiay Claveria, Cagayan, kunana nga amin nga aramiden a farm-to-market roads ket maobligar a maaddaan ti national masterplan nga imbes a political connections wenno dagiti kaalyado iti Partido pulitikal.
Inlawlawagna a saanen nga agbalin a kas iti dati a palakasan, pagayam ken kapartido kadagiti proyekto uray awan ti plano.
Inbatadna a manarimaan ti panangkonsultar ti administrasion dagiti gobernador ken dagiti mayor tapno i-validate dagiti farm to market roads roadmap tapno masigurado dagiti proyekto ket basar iti aktual a demand ken saan a maysa a political patronage.
Inpasigurado ti Presidente a saan laeng a dagiti farm to market roads ti tutukan ti gobierno no diket pakairamanan dagiti farm to market bridges.
