LAOAG CITY – Manamnama a malukatan intono Domingo ti Rafah crossings iti nagbaetan ti Gaza ken Egypt.
Segun kenni Israel Foreign Minister Gideon Saar, agsagsagana da para iti nasao a panaglukat ti crossing a nairikep kabayatan ti gubat.
Ti nasao nga addang ket kalpasan ti pannakaipatungpal wenno paset iti ceasefire deal iti nagbaetan ti Israel ken Hamas.
Sipud pinaigetan ti Israel ti panagatake iti Gaza ket inrikep da ti Rafah Crossings.
Maipalagip a nagamak ti United Nations ken ti panagrikep iti Rafah Crossings gapo ta ditoy a dumaldalyasat dagiti truck nga addaan ti karga a makan ken tulong kadagiti Palestino nga adda iti Gaza.
