LAOAG CITY – Back to back win para iti Pilipinas ti panagballigi ni Emma Mary Tiglao iti Miss Grand International 2025 a naisayangkat idiay Bangkok, Thailand.
Kinoronaan ni Emma ti outgoing Miss Grand International 2024 a ni CJ Opiaza a padana a manipud ditoy Pilipinas.
Kalpasan a kinoronaan ni Emma, naipatukar ti nailian a kanta ti Pilipinas a Lupang Hinirang iti venue ken sinaruno daytoy ti umuna a walk kas Miss Grand International 2025.
Sakbay iti daytoy, iti Top 10 speech ni Emma, nagsarita daytoy kontra iti korapsion a mapaspasamak ditoy Pilipinas ken dadduma pay a napapateg nga isyu.
Iti evening gown competition, dinayaw dagiti naruay a tattao ni Emma iti suotna nga agmaris ti orange a gown nga addaan ti matching feather cape a partuat ni Rhian Fernandez.
Kabayatanna, napadayawan kas 4th runner up ti Venezuela; 3rd runner up ti Ghana; 2nd runner up ti Spain; ken 1st runner up met ti Thailand.
