LAOAG CITY – Manamnama nga umabot iti 2648 a senior citizens ditoy ciudad ti Laoag ti makaawat ti social pension.
Segun kenni Mrs. Perlita Cabello iti City Social Welfare and Development Office ditoy ciudad ti Laoag, ummunan a nakaawat dagiti senior citizens ita nga aldaw ken kasta met nga adda pay intono bigat.
Inbatad na a daytoy ket tulong kadagiti senior citizens nga awan ti maaw-awat na a pension ken daytoy ket resulta iti panagpinnirma ti Memorandum of Agreement ti Department of Social Welfare and Development ken ti lokal a gobierno ti ciudad.
Kunana a tunggal senior citizen ket makaawa ti 3,000 pesos iti kada quarter.
Mainaig iti daytoy, kuna ni Cabello a ti nagbalin a problema kabayatan ti pannakaited ti pension ket adda ti naduktalan da a nairaman ti nagan dagiti agaw-awat ti pension manipud iti SSS ken GSIS.
Daytoy ti rason no apay nga inikkat da ti nagan dagiti maseknan iti listaan da ken nailawlawag met a nasayaat kadagitoy.
