LAOAG CITY – Naibunong ti naruay nga agri-fishery inputs kas ti abono, pesticidio, bin-i, fishing nets, livelihood projects iti programa a naiwayat iti Barangay Cabungaan-B ken iti Central Terminal ditoy ciudad ti Laoag.
Daytot ti inpakaammo ni Engr. Shiela Opelac, ti mangidadaulo iti City Agriculture Office ditoy ciudad.
Inbatad na a babaen iti suporta ti agrikultura, maipasigurado nga adda ti makaanay ken natalged a supply ti taraon ditoy siudad, ken tulong para kadagiti mannalon ken mangngalap.
Mainaig iti daytoy, inpasingked ni Mayor James Bryan Alcid a nakatutok ti administrasion na iti agrikultura a maibilang a duri ti ekonomia ti siudad.
