LAOAG CITY – Inbutaktak ni Ecuadorian President Daniel Noboa nga adda nanggandat a mangsabidong kenkuana.
Kunana a naduktalan da a tallo a highly concentrated toxic substances ti nakita kadagiti tsokolate ken palaman a nairegalo kenkuana.
Inbatad ti lider ti South America nga imposible nga aksidente laeng a makita dagiti tallo a kemikal iti nangato a konsentrasion na no diket nalawag a nairanta daytoy.
Ti komento na ket kalpasan ti nalawas a tignay protesta iti pagilian na gapu iti panagngato ti presio ti langis.
