LAOAG CITY – Inlawlawag ni Ombudsman Jesus Crispin Remulla a saan da pay a nalpas iti kaso ni Senador Joel Villanueva mainaig iti dismissal order na idi 2016 a sikreto nga inbasura ni dati nga Ombudsman Samuel Martires.
Segun ken ni Remulla, maladingitan gapu iti panangibasura ti sinukatan na iti pwesto ti kaso a nakainaigan ni Villanueva.
Naireklamo ni Villanueva gapu iti saan nga umiso a panangusar na ti 2008 Priority Development Assistance Fund (PDAF) idi daytoy ket kongresista pay laeng.
Innayon pay ni Remulla a parparwaren iti agdama ti Senador nga arigna iharharass da daytoy gapu iti kaso na.
Inpasigurado ni Remulla nga adalen da a naimbag ti kaso gapu ta ni laeng Villanueva ken ni Martires ti makaammo iti daytoy.
