LAOAG CITY – Inpakaammo ni Mrs. Janet Retamal, mangidadaulo ti Population on Commission ditoy ciudad ti Laoag a naiyalokaran iti pondo dagiti ubbing nga inna wenno teenage mother ditoy ciudad.
Segun kenni Retamal, daytoy a banag ket tapno matulongan dagiti ubbing nga inna iti inaldaw a panagbiagda.
Kunana nga ipaspasgurado ti opisinada nga adda met laeng dagiti tulong a maawat dagitoy uray sangkabassit laeng.
Inbatadna nga iti kada bulan ket makaawat dagiti ubbing nga inna iti 500 a pisos a nayon para iti gastosen dagitoy.
Mainaig iti daytoy, kunana a no umawat dagiti ubbing nga inna ket iti mismo opisinada ti pangalaan dagitoy gapu ta saan laeng a basta nga ited da no diket adda pay ii maangay a lecture para kadakuada.
Daytoy a lecture ket isu mangipaay ti adal kadakuada no kasano da a protehiran ti bagbagida kadagiti nagduduma a sakit nangruna ket ubbing dagitoy.
Maipalagip nga itay kallabes ket nakaawat dagiti 121 nga ubbing nga inna wenno teenage mother ti cash assistance maibasar ti Social Protection Program for Adolescent Mothers and their Children (SPPAMC).
