LAOAG CITY – Mangipaay ti Office of the President ti nasurok a P700 million cash assistance kadagiti local government units a naapektaran ti Typhoon Tino.
Daytoy ti inrakurak ni Palace Press Officer Undersecretary Atty. Claire Castro.
Immuna iti daytoy, inaprubran ni Presidente Ferdinand Marcos Jr. ti rekomendasyon a maideklarar ti national state of calamity gapu iti kaado iti nakaro nga epekto ti bagyo iti pagilian.
Segun iti presidente, adda ti agarop 10 a rehiyon ti apektado ti bagyo.
Iti agdama ket agtultuloy ti relief operations kadagiti apektado ti kalamidad.
