LAOAG CITY – Umabot iti nasurok a 1,000 flights a rumuwar ken sumrek iti Estados Unidos ti nakanselar kalpasan a naibilin kadagiti airlines a kissayan da ti traffic kabayatan ti federal government shutdown.
Basar iti flight tracker FlightAware, adda met ti 4,000 a flights ti nadelay.
Immunan nga inrakurak ti Federal Aviation Administration (FAA) a makissayan ti air travel capacity agingga iti 10% iti 40 nga erupuerto iti Estados Unidos kalpasan a dagiti air traffic controllers a sumagmamano a bolanen a saan a maswelsweldoan ket makapaspasar dan ti pannakabannog.
Agpapan ita ket saan paylaeng a makapagtulag a nasayaat ti Republicans ken Democrats no kasanu a masolbar ti government shutdown a nangrugi pay idi Oktubre 1 ita a tawen.
