LAOAG CITY – Nakipagpaset ti lokal a gobierno ti ciudad ti Laoag ti 4th Quarter Nationwide Simultaneous Drill.
Daytoy ti inbatad ni Dr. Melvin Manuel, ti mangidadaulo ti City Disaster Risk Reduction and Management Office ditoy ciudad.
Segun kenni Manuel, daytoy a wagas ket kas panagsagana ken tapno maipakammo ti aramiden no adda ti kalamidad kas iti gingined ken tsunami.
Inbatad na a daytoy ti kangrunaan a gagem ti regular a pannakaiwaywayat ti earthquake ken tsunami drill tapno maprotektaran dagiti residente.
Inpakaamo na a naiwayat ti aktibidad iti Barangay Caaoacan, maysa a coastal barangay ti ciudad a nagpartisiparan a mismo dagiti residente.
Kunana a ditoy a naipakita no ania ti rumbeng nga aramiden dagiti umili no adda ti napigsa a gingined a sarunuen ti tsunami ken kasta metten ti alisto a panaggaraw dagiti barangay officials, rescue units ken government units.
Ti aktibidad ti nagtitinnulungan ti city government babaen ti City Disaster Risk Reduction and Management Office, Department of Public Safety, City Social Welfare and Development Office, General Services Office, Liga Ng mga Barangay, City Engineering ken ti dakkel a suporta ti Bureau of Fire Protection-Laoag, Philippine Coast Guard ken Philippine National Police.
