LAOAG CITY – Kinanselar ti United States airlines ti 1,200 flights, ti maikalima a nagsaruno nga aldaw sipod idi inpataw ti gobierno ti mandatory flight reductions tapno maalay-ayan ti panagamak iti kinatalged.
Inbilin ti Federal Aviation Administration kadagiti airlines iti napalabas a lawas a mangkissay ti 4% iti daily flights a nangrugi idi Nobiembre 7 ken 40 a major airports gapu iti air traffic control staffing issues no sadinno a ti panagkissay ti flights ket ngimmato ti 6% ita nga aldaw.
Target ti panagkissay ti flights a magun-od ti 8% inton Huebes ken 10% inton Biernes.
Manarimaan ti panangtalantan ti airlines ken ti Federal Aviation Administration maipanggep no inton ano ken no kasano ti panagkissay ken mangipababa kagiddan iti umas-asideg a panagngudo ti government shutdown.
Mainaig iti daytoy, inbatad ni Transportation Secretary Sean Duffy idiay Wisconsin a saan a nangaramid ti aniaman a desision ti Federal Aviation Administration maipanggep iti panagkissay ti flights.
Naammoan nga intantan ti airlines ti sumurok 1,650 flights ita nga aldaw kalpasan ti pannakakanselar ti 2,900 ken pannakaitantan ti 9,600 basar iti FlightAware a maysa a flight tracking site.
Kabayatanna, ti nasao a shutdown ket isu ti kaatiddogan iti pakasaritaan ti Estados Unidos no sadinno a napilitan ti 13,000 air traffic controllers ken 50,000 Transportation Security Administration agents nga agtrabaho nga awan ti sueldoda.
